ရှမ်းပြည်နယ် အရှေ့ပိုင်း ကျိုင်းတုံခရိုင် မိုင်းခတ်မြို့နယ်မှာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ကျေးလက်ဒေသ ဖွံ့ဖြိုးရေး ဦးစားဌာနမှ
အကောင်အထည်ဖော်ဆောင်ရွက်လျက်ရှိတဲ့ လူထု ဗဟိုပြု စီမံကိန်း ဒုတိယနှစ် စက်ဝန်းမှာ စီမံကိန်း လုပ်ငန်းခွဲများ အကောင်အထည်ဖော် ဆောင်ရွက်ရာမှာ
စီမံကိန်းမှ ချမှတ်ထားသော ကျားမရေးရာ မှုဝါဒများအား လက်တွေ့ ထည့်သွင်း လုပ်ဆောင် နိုင်ရန်အတွက် ကျား၊ မ ရေးရာ သင်တန်းကို ပါပွန်း အုပ်စု၊
ထောပဲခူ ကျေးရွာမှာ ၁၄ ရက် ၂ လ ၂၀၂၀ ရက်နေ့မှာ သင်တန်းပို့ချခဲ့ပါတယ်။
အဆိုပါသင်တန်းကို ထောပဲခူ၊ နန့်မွဲ၊ ပါပွန်း၊ ကာလော့ ကျေးရွာ လေးရွာမှာ ကော်မတီဝင် အမျိုးသား ၁၇ ဦး၊ အမျိုးသမီး ၁၇ ဦး စုစုပေါင်း ၃၄ ဦး
တက်ရောက်ခဲ့ကြပါတယ်။
သင်တန်းကို လူထုဗဟိုပြု စီမံကိန်း နည်းပညာ အကြံပေး အဖွဲ့မှ ကျား၊ မ ရေးရာ တာဝန်ခံ ဒေါ်ခင်မာဌေးမှ သင်တန်း ပို့ချပေးခဲ့ပြီး၊ လူမှု စည်းရုံးရေးမှူး
ဦးယောန နဲ့ ဒေါ်ထက်သီရိဦးတို့မှ ပံ့ပိုးကူညီပေးခဲ့ကြပါတယ်။ သင်တန်း ရည်ရွယ်ချက်မှာ စီမံကိန်းမှ ချမှတ်ထားသော ကျား၊မ ရေးရာ မူဝါဒ ၆ ချက်ကို
စီမံကိန်း လုပ်ငန်းစဉ်အားလုံးမှာ ထည့်သွင်း လုပ်ဆောင်နိုင်ရန်အတွက် ကျေးရွာကော်မတီဝင်များ ကိုယ်တိုင် နားလည် သဘောပေါက်ပြီး၊ ရွာသူရွာသားများ
အား ဆင့်ပွားမျှဝေကာ လက်တွေ့လုပ်ဆောင်သွားနိုင်ရန် ရည်ရွယ်ပါတယ်။
သတင်း - တင်အောင်မိုးမြင့်
Credit - SkyNet Media Coverage
#DRD #NCDDP #MOALI #WorldBank
